老广话事•粤语新闻：地铁站台小心睇电视

　　新快报讯（记者任磊斌）前几日世界杯开锣，记者就写咗一条喺的士可以睇世界杯直播嘅稿。睇嚟数码技术、移动通讯呢啲科技方便紧好多广州人。不过，大家又有冇留意过地铁嗰啲靓电视呢？

　　记者近排（近段时间）坐地铁都留意到，一、二号线好多站台都装咗液晶大电视，仲係好豪嘅16:9液晶大电视添。地铁啲电视节目都好养眼，又时装表演又动物世界，好多等

车嘅人都睇到眼甘甘（两眼发直）。但睇睇吓，记者就发现咗一个小问题：好多等车嘅乘客挂住攞个舒服位睇电视，行吓出啲，行吓又出啲，行到最尾，有啲人直程（干脆、甚至）就踩出咗条黄线喇。

　　好在，地铁工作人员时时都会用“大声公（喇叭）”提醒啲过界乘客收返只脚。不过，记者都係要提多大家一句，睇节目等车当然好，但无论点（如何），条命最紧要啊，人多嗰时睇少阵，企稳阵（站稳）啲等车先好啊。

　　（侯颖／编制）