多云 22℃至26℃ 65%至90% 轻微东南风

　　旧历三月初七 谷雨 诸事不宜

　　今日终于有机会见到太阳公公啦！虽然早上仍然有阵雨，但到中午时分也会和昨日下午茶时间一样，感受到温暖的阳光，这个时候最适合和同事相约一齐去叹番个下午茶，再继续做嘢，一定效率更高。借助呢份咁靓嘅心情，各位拼搏喺一线嘅姐妹们，今晚可以喺屋企涂下指甲油、敷下MASK……化身成美少女，咁就人靓，心情更靓啦。

　　交通指数早晚留神

　　明日以阴天为主，早晚会有轻雾，能见度较低。所以各位司机大佬早晚揸车出行要特别留神，减缓车速啦。

　　洗车指数抓紧机会

　　虽然今日仍然有“落水”可能，难得今日天气都算稳定，赶快带你的“邋遢猫”（爱车）去洗邋遢啦。

　　化妆指数紧致＋保湿面膜

　　正所谓“女人唔KEEP好易老”，担心又俾D细路叫“阿姨”嘅靓女们，今晚都係敷张紧致＋保湿效果嘅MASK（面膜）啦。

　　防晒指数开始留神

　　呢期雨季终于暂告一段落，太阳公公又重新“蒲头”。虽然最近几日仍以阴天为主，不过怕晒黑的OL们要开始留神注意防晒，最好用SPF10+的产品先“打定个底”。

　　下午茶指数 适宜

　　今日终于无成日落雨，阿姐心情都靓晒。如果今日手头唔多嘢做的话，不如约几个同事去下HIGHTEA（下午茶）都唔错。

　　“执房”指数 适宜

　　呢段时间，天气潮湿，屋企嘅嘢好容易发霉。想保持身体健康的话，最好就今晚收工之后，返屋企“执下房”，顺便当做下运动都几好。

　　运动指数晨跑

　　今早终于都无落大雨啦，空气都算比较好，加上又唔算晒，不如早D起身，换番套运动服，去附近跑下步啦。

　　穿衣指数“短”装上阵

　　天气回温，之前SHOPPING“囤”定的短袖衫、短裤、短裙都可以重新“上阵”。不过阿姐建议大家都係要注意气温变化，唔好“爱靓唔要命”。

　　（整理 郭晓燕 实习生 魏婧 漫画 王云涛）