‘老广话事’粤语新闻:黑网吧真係去唔过 | |
---|---|
http://www.sina.com.cn 2006年09月13日09:28 金羊网-新快报 | |
新快报讯(记者任磊斌)记者禽日係荔湾嘅桥中地区采访,咁啱撞到执法人员查封黑网吧,走上去及及:情况都几恶劣! 下午4点半,桥中中路近桥中小学一个士多里面,警察、街道管理人员、城管执法人员出出入入搬紧嘢。记者上前打听,桥中街街道办一个姓黄嘅负责人话:“个店主自称啱啱开咗无几多日;我地就係刚好下午日常巡查时候发现嘅,马上就开车嚟扫咗佢。” 记者行前几步,原来黑网吧暗门就係是多柜台旁边,宽40公分左右,真係肥啲都行唔过啊,如果放低门帘真系非常咁隐蔽。入到去一睇,得嗰5平方到,一个无窗房,两支光管,9部电脑。唔单止每个人都面壁,坐落之后背靠背,想行出行入都好困难。“如果火烛,真系不堪设想!而且係学校周边范围,我地见实一个打一个啦。” 咁啱:刚好,碰巧。 (日京/编制) | |