老广话事•粤语新闻：“爆胎党”重出江湖

　　新快报讯（记者任磊斌）近日，踩单车出行嘅市民增加不少，结果，导致有啲旧嘢都翻生呢！

　　记者有个朋友李生，“禁摩”前就开始踩单车返工，琴日（即昨天）竟然中招。李生踩单车踩到天河路同天河东路交界口，想喺人行道等灯过马路，点知条后胎特然间（即突然间）无左气。“哎呀，以为咁吾好彩，个气孔坏咗啦，点知喺到检查紧嘅时候居然有个男人走过嚟，问我使吾使补胎。”李生当时成个醒晒，原来有人故意放钉嘎。李生嬲起身，大声喝走果嗰人。好在单位唔远，推住车走人。

　　以前广州好多人踩单车嘅时候，海珠桥、人民桥咿啲地方，上落桥位最多“爆胎党”。布钉后再帮人补胎、打气，用咿啲（即这些）唔正当手段嚟攒钱。

　　（夏天／编制）