老广话事：网征粤语歇后语 引来两百跟帖人

　　这个“老广话事”栏目，是专为说粤语或正在学说粤语的新老街坊而制作的———本地的老街坊，看了不妨一笑；外来的新街坊，也是时候学几句“南蛮方言”啦。

　　新快报讯（实习生王白石）“铁木真打仔———大汗耷细汗”、“水瓜打狗———唔见紧橛”……呢啲通俗搞笑嘅粤语歇后语，早两日喺某个知名论坛上边搞咗个“大集合”。据记者了解，旧年6月，网友“雨后阳光”喺呢个论坛上边发咗条专门征集搞笑粤语歇后语

　　旧年6月，网友“雨后阳光”喺某知名论坛上面，率先发表咗一大篇搞笑粤语歇后语，结果就掀起一朕粤语歇后语“风”，短短3日内，就有30几条跟帖。“秀才手巾———包书（输）”、“太公分猪肉———人人有份”……网友个个兴致勃勃，绞尽脑汁“贡献”出自己知道嘅歇后语，就因为咁，张帖发表到而家已经9个几月仍然一直未沉。初步统计，到4月4号为止，已有两百几个网友跟帖。

　　虽然采访唔倒楼主“雨后阳光”，但记者仍然喺好多网友道揾倒呢个帖点解咁火爆嘅原因。好多网友话，呢道发布嘅粤语歇后语好鬼经典，又充满生活气息；唔少广州本地网友仲话，有啲歇后语自己都未听过。网友“iveco”感叹咁讲：“原来广州咁多文化喔，真喺大开眼界啊，返去话俾阿爸阿妈听！”网友“广州人”仲专门发帖“校对”其他网友张帖里面果啲错字添。市民王小姐对记者讲，佢啱啱嚟广州，好多粤语都唔识，但觉得张帖好有趣，“看来我要快点学粤语啦！”

　　几条得意嘅粤语歇后语:

　　形容人：

　　洗脚不唔抹脚———係咁甩

　　七个铜钱分两份———唔三唔四

　　形容事：

　　平洲奶妈———赚个肚

　　棺材顶烧炮仗———吓死人

　　(观宇/编制)