□见山见水
丽丽搭美美两家头,勒了川菜馆里,老酒吃到六七分,人觉着有眼飘了,美美心里也适意了。
埋单。出仔饭店门,顺手招了一部差头。美美屋里厢离搿搭块近,伊搭丽丽讲,“要么再到我搿面坐一歇,哪能价? ”丽丽只面孔吃了红彤彤,心想搿种腔势回去,让老公看到总归不像闲话,再加上人也有眼吃力了,就顺势答应了,“好咯呀,咯么就先去侬屋里厢好来。 ”
差头老快就到了美美门口。
下仔车,美美嘻嘻哈哈搭丽丽讲,“侬看到伐,刚刚搿个差头司机只面孔哪能介严肃啦?平常乘差头,碰着有两个司机总归闲话不断,乱话三千讲不停。 ”丽丽看仔伊一眼,也嘻嘻哈哈笑了起来,“人家看到两只侬搿只雌老虎勿要吓煞啊……”
“哈哈……啥人是只雌老虎啊,要么侬哦……嘻嘻。”美美开心得了面孔浪厢赛过开了一朵喇叭花。
【关键词】搿搭块,口语,指示代词,这里的意思。乱话三千,形容词,指说话不着边际。