粤讲越有料

　　栏目主持：张颖妍

　　漫画：张滨

　　毒气弥漫东城、南城，让上周末嘅新闻留下咗一个令大众心惊惊嘅惊叹号。将有毒化合物或废渣随便倾斜果D人，作出如此危害社会公众人身安全嘅事，真系唔知烧懵咗个脑定系埋没咗良心。藏匿喺荔枝林入面嘅“黑油坊”，生产数以吨计嘅潲水油，大家一唔小心仲可能食埋落肚，真系谂起都得人惊。

　　当然，唔系所有令人惊讶嘅事，都净系产生令人惊叹嘅后果。类似信访主任闹工人“活该”呢种情况，大家喺惊讶嘅同时，更多嘅系惊怒。

　　毒气倾城 刺鼻心惊

　　本报7月30日、31日报道，东莞四环路景湖花园与东泰花园相对十字路口路段，有异常气味弥漫，周围气味异常难闻、刺鼻，人一靠进就流泪。消防队、医生、公安都抵达现场。

　　根据有关部门监测和污染源排查结果，初步认定：本次环境污染事故是不法企业或不法分子将含有三氯乙烯、二氯乙烷、甲缩醛、甲醛、甲酸甲酯、氨等化合物的工业废水或废渣倾泻现场下水道，有毒刺激性气体挥发导致。

　　有嘢讲：毒气弥漫，附近仲要咁多民居、车站、商场……闻到毒气会唔会即刻对身体造成伤害就唔知，不过，若然呢D化学毒气“潜伏”喺体内，何尝唔系一个令人恐惧嘅“定时炸弹”？所以话，毒气伤人比明刀明枪更加令人防不胜防。

　　有关部门一方面应该加紧速度，严惩呢次事件嘅始作俑者，杀一儆百，避免此类“恐怖事件”再次发生；另一方面，政府应该吸取经验教训，尽快制定类似事件嘅紧急处理措施。例如，受事件影响嘅市民，可以考虑进行免费嘅体检并且定期跟踪情况；公共场合应该有简便嘅防毒气口罩等物品，唔好到真系发生咗以外先嚟踢晒脚，唔知点算。

　　毒言主任 市民惊怒

　　本报7月31日报道，讨薪工人被打，信访主任竟说“活该”。此事被曝光后，东莞市委督察室向媒体通报了此事的进展：东城信访办主任叶柱权被停职接受检查。

　　有嘢讲：所谓“人民公仆”嘅责任本嚟就系应该“为人民服务”，咁市民以后有咩问题，都唔使搵有关部门解决，直接“认命”，政府嘅唔少公共服务部门都可以直接撤咗去算喇。最可怕嘅系，唔想负责任、有咩事发生就想办法“卸膊”，咁样“立党为公，执政为民”呢句响亮口后又如何体现呢？

　　毒油现形 寝食难安

　　本报7月28日报道，记者暗访塘厦平山村一藏匿在荔枝林里的“黑油坊”，亲睹了潲水油的制作过程后向执法人员举报。据初步调查，这个作坊的潲水油全部供往中山一家“油脂回收厂”，目前未知是否回流入莞。经检查，这个“黑油作坊”共有77桶成品潲水油，每桶150公斤，共计10吨。

　　有嘢讲：围绕“潲水油”屡治不绝嘅问题，其实有唔少值得反思嘅地方。相关嘅政府部门，确实有做过唔少工作，不过，“潲水油”背后复杂嘅利益链尚未打破，危害人间嘅“潲水油”依然有市场，呢两点先至系导致各类“黑油坊”野火烧不尽、春风吹又生嘅根本原因。

　　古人话，“民以食为天”。解决“潲水油”问题，必须从建立有效嘅制度同机制开始，真正明确责任主体，赋予相关部门明晰嘅责任和权力，增加监管督促嘅部门，对潲水油进行统一回收，集中处理，全程监控，并且打破供应链条，切断潲水油嘅销售市场，全城监控，咁样先可以最终达到标本兼治，“长治久安”嘅目标。

　　@毒气

　　网友Dineoy1：我在现场！好刺激的气味！唉~~！真悲剧！看到现场好多市民都被毒气刺激到了！怎么检查啊？理赔谁负责啊？怎么这么严重的事情都没人跟进的！建议在现场的人去做做呼吸道的检查！

　　大洋网友：以后出门还是备有一个“防毒面具”比较安全啊！

　　@毒油

　　网友chenjianhua：天啊！以后真系乜都唔敢食喇！日常必需嘅“柴米油盐酱醋茶”，好似样样都有问题咁，点算啊！？

　　网友日不隆冬：个人认为，地沟油完全可以通过行政干预杜绝.。比如，不允许餐馆乱倒、出售潲水；相关部门收取油污排放治理费；和化工企业进行合作，统一对餐馆废弃的油污潲水进行再利用，等等。