粤讲越有料

　　一周点题

　　水价听证会，三套方案都系涨价；可湖路市政工程建设项目选址听证会，全部代表投反对票，但部分拆迁已经先行；呢D情况似乎令“听民意”沦为“走形式”，市民对此嘅信任亦都打咗折扣。不过从好嘅方面谂下，多咗呢种“形式”都系一种进步。缺乏信任，仲会带嚟好多问题，特别系夫妻之间。若然将“冷暴力”进行到底，最终导致流血嘅家庭惨剧就后悔都太迟喇。就好似果句脍炙人口嘅电影台词话斋：“做人，最紧要信！”

　　栏目主持：张颖妍 漫画：张滨

　　打工40天

　　工钱拿唔到

　　本报8月25日报道，来自高州的13名学生在厚街汀山的东莞侑兴鞋业有业公司做了40天的暑期工，而今要回学校参加军训，却迟迟拿不到自己的工钱。

　　有嘢讲：学生作为弱势群体，俾人“卖猪仔”咁卖到嚟东莞打工，莫讲话个人权益冇保障，有时连人身安全都冇保证。问题已经存在咗多年，点解有关部门仲冇相关政策出台呢？同“扫黄”“打虎”呢D大动作相比，整顿暑期工市场绝对只可以算“小菜一碟”。所以话，对此问题重视不足，先至系各种纠纷不断重演嘅关键。

　　银行数错钱

　　储户成身蚁

　　本报8月24日报道，黄江镇的王先生在某银行柜台取款时，银行工作人员多给了他一笔钱，他当时没清点就离开了柜台，转手将这笔钱借给了朋友。当天下午，王先生接到银行电话，要求他交还多给的6200元。但王先生的朋友表示，银行只多给了5000元。

　　有嘢讲：银行数错钱，责任仲要推卸喺取款人身上，王生都算相当合作了。就好似网友调侃咁，起码王生都冇要求银行填表、排队等叫号、单位开证明……面对钱银问题，市民嘅过失固然系市民自己孭飞，即使系银行嘅过失，都系市民做“冤大头”。长此落去，银行又点可以取信于民呢？

　　拆百年老街

　　惹市民反对

　　本报8月25日报道，东莞市城乡规划局针对莞城可湖路市政工程建设项目举行听证会，19名老莞人代表争相发言，对于拆掉百年老街建设交通主干道，在运河西路建设商业步行街，代表们大多表示不同意。

　　有嘢讲：听证会开始之前，唔少拆迁工作已经蠢蠢欲动。于是有人质疑，所谓嘅“听民意”，其实系顺耳就听、唔顺耳就唔听。不过我愿意相信有关部门善良嘅本意，即便民心向背已经再明显不过，但任何一个规划若然需要大动干戈咁修改，就冇可能净系靠“听从民意”咁简单。所以，俾D耐心，等有关部门切实咁消化民意，解决矛盾实在系有必要。无论结果如何，起码我哋知道，呢个方向喺啱嘅。

　　不堪“冷暴力”

　　丈夫怒杀妻

　　本报8月26日报道，因为共用的手机接到陌生男子的两次来电，周某和妻子相互猜疑。之后的半个月，妻子没有跟周某讲一句话。周某越想越气，竟然手持水果刀朝妻子的脖子割去，然后用刀照着自己的肚子捅了3刀跳楼。最终妻子死去，周某也半身瘫痪。

　　有嘢讲：最亲密嘅枕边人，竟然变成对自己不瞅不睬嘅“陌生人”，咁嘅落差，又点可以轻易咁接受到？“冷暴力”不动声色，不过若然用喺自己最亲嘅人身上，其伤害可能更甚于真刀真枪导致嘅皮肉伤。呢种冷漠嘅能力可以长驱直入至灵魂同血脉，直接扭曲一个人嘅心灵。歌仔都有唱“重视能治肚饿”，关心、关怀、关注呢D都只不过系一种态度，唔可以当饭食，不过，有时候人嘅生存就系离唔开佢。