粤讲越有料

　　主持人：邓柱峰

　　佛山四乡人最怕入禅城。点解？路口多，而且成日塞车咯！上个星期，佛山开咗个全市交通工作会议，部署今年嘅交通建设大计，其中一个新名词就撩起咗大家条瘾——“佛山内环”。咦？呢个内环究竟系乜家伙啊？一齐睇下上个星期嘅相关报道啦：

　　“会上，副市长许国还透露了‘佛山内环’这个新名词。佛山市交通局局长高荣堂告诉记者，‘佛山内环’方案正在研究论证阶段，‘佛山内环’也是一个待定的名词。该工程由广佛新干线、桂澜路、魁奇路、禅西大道组成方形内环，围绕中心城区，并通过几十条放射线连接佛山新城和广州等，将禅城城区、桂城以及沥桂新城包容在一起。佛山内环预计长约45公里，环内面积约120~130平方公里，佛山内环的规模相当于一个北京三环。”

　　哇！照咁睇，呢个“内环”要圈住成个禅城、桂城同大沥喔！只不过，笔者认为呢个“环”对禅城嘅治堵无乜帮助。

　　首先，整个禅桂沥片区最塞就喺禅城，而呢个“佛山内环”除咗魁奇路之外，其余三条都唔系禅城核心区，基本上禅城老城区、城南嘅塞车问题一D帮助都无，试问如果一个人喺佛山汽车站果边塞车，你叫佢去边“上环”？到头来又咪一样塞到连阿妈都唔认得。

　　老实讲，一系就唔改，一改就迎难而上，先搞掂禅城核心区域嘅交通问题，以前果个“禅城内环”其实放大少少拉到桂城南海大道都喺唔错嘅建议。