上个星期，本报一条颇为“肺腑”嘅真实报道话比大家知，已经有105年历史嘅张槎莲塘小学由于规模细等原因，会喺呢个学期结束后撤并，三百几个借读生不得不失去公办小学嘅学位，令人惋惜！报道如下：

　　“根据张槎街道办事处计划，莲塘小学7月底将被撤并。这所历史可以追溯到1906年的学校，即将走到终点。张槎街道教育局相关负责人透露，学校规模小、三校区布局分散、校舍安全方面存隐患，是其被撤并的主要原因。根据学生的分流方案，学校现就读的100多名本地户籍学生和政策性照顾借读生安排到就近的公办学校就读。剩余的300多名普通借读生将被推荐到民办学校就读。”

　　喺佛山，超过百年嘅小学其实唔多，尤其喺中心城区嘅就更少。我哋成日话要挖掘地方特色，保存自己嘅文化，但系好多时喺决策嘅时候可唔可以唔好咁粗暴，话斩就斩？一间学校拥有百年历史，即系拥有百届毕业生，从小儿郎到老人家都有，甚至好多都系一家几代人嘅母校，呢D属于莲塘人嘅集体回忆唔通就唔值得保存？

　　当然，政策上嚟讲，由于变成麻雀小学需要撤销，但系可唔可以将小学嘅遗址保留，改造成一个公园式嘅小学博物馆？将佛山历史上嘅小学建设情况都汇集其中，或者会吸引更多莲塘以外嘅市民过嚟“想当年”呢？！