阴天到多云，有阵雨 24℃到30℃ 湿度：70%～90% 轻微偏南风

　　旧历四月初八小满 宜：祈福祭祀结亲开市交易 忌：服药求医动土迁移

　　最后一个工作日，广州依然全天有雨，无论逛街或者夜蒲都唔太适合，阿姐建议大家今晚收工早D返屋企，继续做乖乖女、乖乖仔，好好抖抖。至于周末时间，广州天气就更差，仲有暴雨杀到，要自驾游到周围其他地方玩嘅兄弟姊妹们就要注意啦。正所谓“小心驶得万年船”。喺呢种咁嘅大雨天时，虽然要玩得开心，但系更重要嘅系要玩得安心。

　　交通指数一般

　　全天阵雨，能见度不太好且过去12小时也曾降雨，路面湿滑，事故易发期，注意车距，周末更是有雷阵雨到暴雨，各位自驾车出游一定要注意安全。

　　洗车指数不宜

　　雨水天气，车主最烦就系唔可以为爱车洗白白，不过谂番转头其实都系好事。即使部爱车邋遢都一样睇唔出，啱晒D偷懒人士。

　　穿衣指数舒适

　　阿姐呢几日都系短袖T恤加牛仔裤，以一身休闲look返工，皆因雨水天着得再靓都随时会湿身，着得简单同休闲D，反而比较轻松。

　　化妆指数继续保湿

　　昨晚如果有跟足阿姐步伐嘅MM，今日一定会觉得皮肤水润水润。不过呢样嘢一定要持之以恒啊，建议今日继续保湿，可以换成敷过夜面膜就ok啦！

　　自驾游指数离开广州

　　虽然周末天气唔算太好，尤其系广州，雷阵雨至暴雨，所以阿姐建议各位白领不如自驾游离开广州啦，咁样就唔使担心爱车被埋啦。呵呵。

　　（整理 郭晓燕 漫画 王云涛）