■阳光社区见习记者 陈颖雅

　　“条路终于整好啦，接驳线又可以行返原路转入迎宾大道，但点解个樽颈位仲係咁塞车嘅？”琴日记者坐地铁接驳4线去地铁厦滘站嗰阵，喺105国道转入迎宾大道，短短一百米，就行咗将近5分钟，难怪坐喺后边嘅阿姨叹晒气。

　　排咗五分钟队，接驳线部车终于从丽江花园大门口来到沙滘中学对开嘅樽颈位，记者终于见到大塞车嘅原因喇：从105国道进入迎宾大道，开通咗绕东海花园嘅新路。新路开通以前，“过大石桥嘅靠右边车道行驶，往迎宾大道嘅靠左边车道行驶”；新路开通之后，往两个方向嘅车要走嘅车道啱好相反，好多私家车车主搞唔清状况，来到樽颈位先急急脚变道，“该往左嘅往咗右，喺右边嘅又要急急脚挪过嚟，唔塞车先奇！”接驳线嘅司机大佬都叹晒气。

　　车上有个乘客就提议：“交警应该喺前面路段整个标示牌，啲车可以早啲知道自己要变道。”另一位阿姨插话，“呢啲咪係‘不作为’咯。”司机大佬又叹气：“噉搞法，唔知要塞几个月添……唉！”