天气热人易攰瞓个懒觉充下电

　　天气阿姐心情报告

　　近排广州嘅天气真系超级多变。琴日先晴空万里，今日又有雷阵雨来袭，各位白领出门记得带定雨具啦！虽然有雨，可惜气温唔会点降，仲会继续热。唔知道系唔系因为天气太过闷热嘅缘故，搞到个人都攰晒。所以，无乜事就瞓多D啦，皆因瞓懒觉系最好嘅充电方式。嘿嘿，阿姐就打算今晚早早上床，瞓番个美容觉，第日起床，“攰气”应该清除得七七八八咯。

　　多云，有阵雨或雷阵雨 26℃～35℃湿度：45%～88% 轻微至和缓偏南风

　　旧历六月廿五宜：祭祀祈福求嗣入宅 忌：嫁娶栽种理发作灶

　　交通指数

　　打醒精神

　　《岁月神偷》有句经典对白：“一步难，一步佳！”广州嘅天气亦系如此，琴日先晴空万里，今日又有暴雨来袭，各位司机大佬要再次打醒十二分精神啦。

　　洗车指数

　　不适宜

　　落雨洗车就等于和尚梳头，多余，阿姐都系果句，洗车要等晴天。

　　感冒指数

　　高

　　又到多云雷阵雨天气，呢种时候一入一出空调房就最容易感冒。感冒几率较高，请避免长期处于空调房中，以防感冒。

　　舒适度指数

　　很不舒服

　　全天多云，有局部雷阵雨，但烈日炎炎不会降温，会令你觉得好热好唔舒服，所以要尽量饮多D水，帮自己补充足够嘅水分喔。

　　唱K指数

　　高

　　虽然晚上有可能遭遇暴雨天气，唔多适宜夜生活，不过阿姐觉得工作日进行到一半最啱就系约埋D同事一齐唱K发泄下。

　　纤体指数

　　一般

　　盛夏已经过咗一半，不过身上嘅肥肉依然未减？不妨学下明星咁，采取快捷方法啊！揾间纤体公司减肥，听讲一个月就见效，阿姐都打算去试下。哈！

　　（整理 郭晓燕 漫画 王云涛）