天气阿姐心情报告

　　小心塞人早早出门上班去

　　“公交好搭、地铁不挤、的士好打”，周末期间嘅单双号限行十分顺利结束，不过首个上班日情况就未必咁好啦——唔惊塞车，就惊塞人。加上今日又有雨，无论系挤上公交车，定系打车，都唔系咁容易之事。所以，无论你系有车族，定系公车族，最好都系早早出门，小心迟到喔。

　　多云到阴天，有阵雨25℃～31℃湿度：70%～95%轻微南到东南风

　　旧历八月初六

　　宜：冠笄 会亲友 拆卸 沐浴 塑绘 忌：作灶 入宅 嫁娶

　　运动指数

　　全民健身

　　上个周末各个区嘅亚运场馆所在地都已经启动咗全民健身啦！亚运嘅步伐越来越近，各位白领“喇喇林”加入，一齐运动啦。

　　交响乐指数

　　高

　　广州交响乐协会日前发布，以后坐喺二沙岛绿油油嘅草地上，饮住杯咖啡就可以听交响乐啦。据闻月底就正式开始，各位中意高雅音乐嘅白领，记得到时去享受下。

　　交通指数

　　公共交通

　　虽然台风已过，不过今日依然有雨，路面湿滑，自己揸车，安全指数唔算太高，大家不妨考虑多D用公共交通。

　　晾晒指数

　　不宜

　　有降水，不适宜晾晒。如果非晾晒不可，请喺室内准备出充足嘅空间。

　　停车指数

　　不能侥幸

　　亚运就到啦，广州交警进入整治“百日会战”，违章乱停车，就算车主喺车上都一样要“食牛肉干”（被开罚单），各位车主千祈唔好有侥幸心理。

　　化妆指数

　　去油+防脱水

　　天气较热，建议使用防脱水化妆品，同时也要注意去油。

　　（整理 郭晓燕 漫画 王云涛）