宁波老话中的崇商风 |
---|
http://www.sina.com.cn 2005年09月17日11:45 中国宁波网-宁波晚报 |
俗话讲:“无绍勿成衙,无宁勿成市。”没有绍兴师爷,就勿像衙门;没有宁波人,就没有市面。这说明,阿拉宁波人交关会做生意,宁波该地方崇商风气交关浓。连平常日脚讲闲话,也老老带该种味道,勿相信我讲眼拨侬听听。 碰着要打交道的人,阿拉宁波人欢喜叫其“买主”,其实人家并勿买东西;难伺候的人呢,就叫其“疙瘩买主”、“阿爹买主”。 相貌漂亮,就讲该人“卖相”介好,当然人家勿会卖拨侬。 为人忠厚,叫做“该人实货”;为人滑头,叫做“该人虚货”;人生勒胖,叫做“双料货”;官做勒大,叫做“大货”…… 管闲事就是“管闲账”;理所当然就是“门门账”;一回事就是“做(音重读)本账”;弄勿清爽呢,介末就是“一笔糊涂账”…… 子女听话争气,叫做“还债”;反过来就叫做“讨债”或者“讨债鬼”。 交关多叫做“大笔头”,一眼眼叫做“小数目”,讲条件叫做“讨价还价”,门槛精叫做“十三档算盘”。 猪舌头勿叫猪舌(蚀)头,要叫“赚头”;猪头肉勿叫猪头肉,要叫“利市头”。 最常用、最有特色的是,长辈疼爱小孩,不叫疼爱,更不叫欢喜,而是叫做“值钿”。比如“小人洋皮皮,大人勿值钿”,“自生自值钿,癞头儿子自中意”。侬听见别地方人会介讲? 这种崇商风气,在宁波民间歌谣中也反映勒蛮多。《小白菜》是介话:“小白菜,嫩艾艾,老公出门到上海;上海末事带回来,邻舍隔壁分眼开;小白菜,嫩艾艾,老公出门到上海;十元廿元带进来,介好老公阿里来?”《莫难熬》是介话:“阿毛嫂,莫难熬;阿毛哥,信带到。初一勿到初二到,初三夜里准定到!”勿用讲,这个阿毛哥一定是同《小白菜》里的老公一样,在上海做生意赚钞票呢。 |