8月18日，晴，又是阳光晒煳人的日子。
大热天时走在起义路，幸好有两旁的树荫，相对能减轻热浪的强度。说来也巧，一家眼镜店的门刚好打开，里面冷气袭来让我爽透心，我顺着冷风转眼望去，却看见一个熟悉的光头...这不是广州名嘴陈扬吗？他有个很好的习惯，总是很注意自己的形象。以前总能看见他在不同场合，佩戴不同款色的时尚镜框。原来他还很喜欢逛眼镜店......
“陈sir，你好啊！”
“你好！乜咁啱会喺呢度见到你...”
“哈哈！今次仲唔俾我捉到正？原嚟你嘀眼镜系咁样淘翻嚟嘅。”
“梗系啦，唔系点得嚟咁型仔啊。”
“点啊，近期有乜搞啊？”
“又咪搞自媒体咯！玩玩直播、微信，晒下朋友圈咯。”
“你退休了咩？”
“退咗好耐啦...”
“退休仲咁忙？”
“嘿！仲忙过以前啊...哈哈哈！”
“市面咁多眼镜店，点解会嚟呢度嘅？”
“哎！呢度嘅老板验眼有绝招噶，我一直都搵佢验眼嘅。”
“你咪吹啦，我个仔两岁开始戴眼镜，我同好多间眼镜店好熟噶...”
“唔系吹噶，佢同我验眼配镜，十几年，我嘅视力都冇减退就可以证明啦...”
“咁又系，嗰阵时，我个仔就因为搵啱眼镜店，所以依家已经唔使戴啦...验眼准唔准真系好紧要啊。”
“我介绍个老板你识啊...”
“老板你好，听讲你又开新店啵？依家门店都喺度萎缩，你仲开店？”
“萎缩嗰嘀都系冇技术含量嘅纯销售店，我哋眼镜行业系需要验眼配镜，同埋一系列嘅售后服务，所以系唔少得门店服务噶...”
“售后服务的确好重要，2000年开始，我就同嘀老板讲，所有行业冇服务就冇钱搵......”
“系啊...所以我哋无论系唔系我哋卖出嘅眼镜，我哋都免费洗镜、换鼻托噶......”
“咁...网店对你哋冇影响咩？”
“冇影响就假嘅，但影响唔算大咯，两三成总有嘅...”
“老板，你系广州人噶？喺你睇嚟，广州人对眼睛嘅爱护够唔够呢？”
“嗯...广州人都唔算十分重视咯，譬如好多老人家，好少好似陈sir咁，注重眼睛嘅保护嘅...年纪唔大就唔觉，等到觉得嗰阵时，就迟啦...”
“陈sir呢挺系姿整嗟...”
“唔系噶，佢系公众人物，咁系要执正嘀啦...哈哈哈！”
“冯生，我都帮你验下眼啦...”
“我唔使，我已经都唔使戴眼镜，近排就系有嘀重影嗟，但都睇到嘢...”
“冯生，你依家系有轻度近视＋散光啵...”
“哈？我一直以为系老花＋散光？”
“唔系啊...眼睛系唔可以‘以为’噶，要认真对待噶...”
“唔该老板...”
文/图：信息时报记者 冯今宁
编辑：dandan
