作者：鲁尧

　　9月27日《信息时报》披露出来的贼超市，可以说是本市一条爆炸新闻。系茶居，茶客争相议论，都话呢班野可谓势凶夹狼。分工合作去偷，偷返黎仲够胆公开出售，而且规模大到50多家，足足一条街，真系闻所未闻，见所未见，够哂砂胆！

　　不过读完报纸后，我个心总系打个突：按道理，一个行政村内，除村干部之外，工商、税务多个系统都设有基层组织或派驻专管人员各司其职的。点解贼店能够在村内“经营”甘长时间，而一直平安无事呢？基层组织去左边？

　　大家知道，通常开间士多仔，都话要经工商税务部门七审八审先至得。但从报道中看来，贼店完全无证经营，那边偷来这边卖嘅无本生意。对此，当地的工商税务部门七八年来审查过未？其实只要落去查一查进货发票，佢就死梗，何至七八年甘耐，都可以被佢发到盆满钵满？

　　总之，贼超市背后有好多疑点，有的部门只管收费，只眼开只眼闭等等问题，恐怕要查查，给百姓一个说法吧！

　　最后，笔者认为呢单野，不能仅仅曝光就算数，唔将呢班人缉拿归案，风头过后，佢地又会卷土重来，开张大吉，后患无穷。